استكثرك وقتي علي و غدا بك

عادة زماني كلما طاب هــون
ليت الذي وداك يازين جابك

تشوف عقبك كيف الايام سون
شرق مشيت و غرب وقتي مشى بك

و القلب ماله لايم فيك لو ون
عقب الهنا بك ذاق لوعة عذابك

تلـونت دنيــاه ولا تلــون
طويتني طي الورق في كتابك

حتى معاليق الحشا لك تطون
اشتقت لايام الهوى في جنابك

يوم الشموع بليل الاحباب ضون
واشتقت اقول لهاتفك مرحبا بك

و اشتقت لغيوم الصحاري تكون
عود ترى داعي الهوى عند بابك

وارو القلوب اللي بعد ما ترون
غنيت لك عمري ولا جا جوابك

واسمي مع مجنون ليلى تدون